Alegiako Txintxarri Txiki eta Txintxarri abesbatzak ikasturtea hasteko prest daude. Gaur egingo dute urteko lehen entsegua kultur etxean. Urtea bukatu bitarte dituzten proiektuak eta emanaldiak prestatzen hasiko dira. Bi taldeek ostegunetan egingo dituzte entseguak, eta Garbiñe Orbegozo herritarraren zuzendaritzapean ariko dira. Txikienak 19:30etik 20:30era, eta helduenak, 21:00etatik 22:30era ariko dira kantuan. Abestea gustuko dutenek izena eman dezakete.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!