Ertzaintzak jakinarazi duenez, gaur 02:30ak inguruan abisua jaso dute Alegiatik, taberna batean borrokan ari zirela esanaz. Bertara gerturatu eta liskarra izan berria zela ikusi dute, bi gizonen artean, "eta liskarrak irauten zuen bitartean labanen bat tarteko izan omen da". Bi gizonezkoak tabernaren inguruan aurkitu eta identifikatu dituzte ertzainek, "ondoren, elkarri labanaz mehatxuka ibili direla konfirmatu ondoren atxilotuak izan dira". Zauriak agerikoak zirela azaldu dute ertzainek, eta "gazteena euren aurka oldartu dela gaineratu dute". Atxilotuak ondorengo orduetan epailearen esku utziko dituzte.
Alegian Karmen Jaiak ospatzen ari dira. Gaur da azken eguna.