Jende ugari bildu da eguerdi eta arratsaldean alegiako plazan. Umeei zuzendutako hainbat ekintza zeuden prestatuta bertan. Lehenik, makarroiak oilaskoa patatekin eta izozkia jan dituzte. Indarrak hartuta, arratsaldea dantzan igaro dute. Lehenik, play back lehiaketa izan dute. Bertan, bost taldek hartu dute parte eta Txintxarri txiki dantzariak eta Onenak taldeek irabazi ditzuzte originalenen eta koreografia onenaren sariak. Ondoren, zumba egiteko aukera izan dute. Azkenik, Gora kasete emanaldian ere ez dira geldirik egon.
Karmen festetan gozatzeko aukera egongo da iluntzean ere. Horretarako, 19:00etatik aurrera toka txapelketa izango da, 21.00etan zahagi ardoa egongo da eta 23:00etan kontzertuak eskainiko dituzte Sora Zozaya eta Nerabe taldeek.