San Fermin Txapelketako final-zortzirenetako partida jokatu du alegiarrak Arrigorriagan. Oinatz Bengoetxearen aurka jokatuko larunbatean Muskizen.
Ataria Irratiak zuzenean eskaini du Iñaki Artolaren partida. Alegiarra nagusi izan da hasieratik, 7-1 aurreratuz. Sakearekin bikain asmatu du Artolak, baina bi falta ere egin ditu. Huts horiek bizia eman diote Urrutikoetxeari, baina ez luzerako, jokoan erabat nagusitu baita Artola. Alde batera eta bestera mugitu du aurkaria eta nekeak erabat jan du bizkaitarra.
Azkenean, Iñaki Artolak 14 tanto egin eta 7 galdu ditu. Sakez bost lortu ditu alegiarrak, bi falta eginaz.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!