Alegian protokoloa martxan jartzeko bilera irekia deitu dute; herriko eragile zein norbanakoentzako saioa izango da, 18:00etan. Alegiako Udalaren, emakume taldearen eta herriko beste hainbat eragileren ekimenez, iaz, jaietako sexu erasoen aurkako protokoloa martxan jarri zuten eta, orain, aurtengo festetarako ere, ildoak markatu nahi dituzte.
Joan den urtean hainbat saio egin zituzten festen aurretik eta, besteak beste, festetan taldeetan etxera joateko hitzordu ezberdinak zehaztu zituzten herritarren artean. Ez, ezetz da! kanpaina jarri zuten martxan.
Hori dela eta, eta aurtengo Karmen jaiak gerturatzen ari direla ikusita, berriz ere, protokoloari eutsi nahi diote. Guztia prestatzeko bilera ireki baterako deia egin dute eragile diren sustatzaileek.
Bilera ekainaren 11n, asteartean, izango da, 18:00etan, kultur etxean. Nabarmendu dute, herriko eragile zein norbanako guztientzat irekia izango dela bilera. Denen artean sexu erasoen aurka egin eta aurre egiteko, herritar guztiak gonbidatu dituzte bilerara.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!