Alegiako Festa batzordeak jaietarako kartel lehiaketa egin du aurtengoan ere. Lanak aurkezteko epea itxita, jasotakoak jendaurrean erakusgai jartzeko unea iritsi da eta herritarrek izango dute jaietako egitarauaren azalean joango den irudia zein izango den erabakitzeko aukera. Aurkeztu diren lau lanak kultur etxeko sarreran egongo dira erakusgai maiatzaren 23tik 30era bitartean eta hala nahi duenak, gogokoen duen lanari botoa emateko aukera izango du.
Festa batzordetik herritarrak lanak ikustera eta botoa ematera animatu nahi dituzte, eta bozketan parte hartzen duten guztien artean, gazta baten zozketa egingo dutela adierazi dute.
Logoa aukeratuta
Festei begira, logoa aukeratzeko lehiaketa bat ere egin dute. Hala ere, bertan bi lan soilik aurkeztu ziren, baina batek baldintzak betetzen ez zituenez, honakoa izan da aukeratutako logoa:
Kartel lehiaketari dagokionez, berriz, lau kartel hauen artean aukeratu beharko dute herritarrek:
