Haur nahiz helduen dantzak hartu dituzte Alegiako kaleak. Kalejiren, polken eta beste hainbat euskal doinuren erritmora aritu dira dantzan. Horrela, kalejira egin dute herrian zehar eta zenbait lekutan bestelako dantzak ere egin dituzte. Egun hau Alegiako Sutarri dantza taldearen 20. urteurrena ospatzeko antolatu dute. Goizean dantzan aritu ondoren, herri bazkaria egin dute eta arratsaldean ere izango da dantzarako aukera, Elizagoein ahizpen erromeria egongo baita 16:30ean.