Izenburuak argi dioen moduan, Gerra Zibilean eta ondorengo Frankismoan Alegian bizitako zapalkuntza eta errepresioak liburu batean jaso ditu Aranzadi Elkarteko Ione Zuloagak. Eguerdian egin dute aurkezpen ekitaldia, Alegiako kultur etxean. Ikusmin handia sortu du liburuak, eta jendetza gerturatu da.
Aranzadi Elkarteko Junatxo Agirre idazkari nagusiak, Ione Zuloaga liburuaren egileak eta Unai Iraola Alegiako alkatek hartu dute hitza ekitaldi nagusian, eta liburuaren nondik norakoak azaldu dituzte. Tartean, Txintxarri abesbatzako kideek hainbat kantu abestu dituzte, eta ekitaldiaren amaieran, lore sorta bana jaso dute gerrako biktima izan zirenen senideek. Lore sortak banatzean, herriko gaztetxoek agurra dantzatu diete.
