Pakistango Karakorum mendikatean kokatzen den Hushe eskualdean bizi diren neskak eskolaratzen laguntzeko ekimena da. 50 euroko bonuak daude salgai, eta bonu horietako bakoitzarekin ikasle baten urte osoko gastuak ordaintzen dituzte.
Mendi asanbladak laguntzeko interesa dutenei modu ezberdinak jarri dizkie eskura. Bonu osoak erosteko aukera dago, 50 euro jarriz. Edo bestela, bost euroko ekarpenak egin daitezke. Lortzen dituzten ekarpenak batuta, bonuak erosten ahaleginduko dira. Mendi asanbladatik jakinarazi dutenez, ekarpena egin nahi duenak, asanbladako kide diren Ainara, Eider edo Olatzekin jarri beharko du harremanetan, edo ekarpena zuzenean Kutxabankeko kontu zenbakian sartu dezake: ES76 2095 5020 0091 1611 7173.
Alegiako Mendi Asanbladako kideek aldez aurretik eskerrak eman nahi dizkiete laguntzera animatzen diren herritarrei.
Baltistan Fundazioari buruzko informazio gehiago nahi duenak, www.baltistan.eus webgunean du eskura.
Duela astebete izan zen Alberto Iñurrategi mendigoizalea Alegian, Porrotaren alde proiekzioa eskaintzen. Iñurrategik harreman zuzena du Pakistanen lanean urteak daramatzan Baltistan Fundazioarekin, eta Alegiako Mendi Asanbladak elkarlaneko ekimen bat sustatu nahi du.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!