Alegiako Kultura batzordeak aurkeztu berri du 2018ko Gabonetarako prestatu duen kultur egitaraua. Abenduaren 16tik urtarrilaren 5era bitartean askotariko ekintza ugari prestatu ditu adin guztietako herritarrei begira. Ohiko ekintzekin batera, aurtengo berrikuntzetako bat abenduaren 26an, 27an eta 28an egingo den zirku tailerra izango da. 6 eta 18 urte bitarteko gaztetxoek Adunako Asvinenea zentroan zirkuko diziplina ezberdinak ezagutzeko aukera izango dute. Izena eman nahi dutenek abenduaren 20ra bitartean dute aukera kultur etxean.
EGITARAUA
Abenduak 16, igandea
18:00. Gaztaina jatea, plazan.
Abenduak 19, asteazkena
18:30. Loatzo musika eskolako emanaldia Elizpe zinem aretoan.
Abenduak 23, igandea
18:30. Txintxarri txiki eta Txintxarri abesbatzen kontzertua, elizan.
Abenduak 24, astelehena
11:00. San Juan eskolako ikasleak abesten kaleetan zehar.
16:30. Txintxarri Abesbatza kantari ibiliko da kaleetan zehar.
18:30. Olentzero eta Mari Domingiren etorrera.
Abenduak 25, asteartea
11:15. Txintxarri Abesbatza kantuan meza nagusian.
Abenduak 26, 27 eta 28
6-18 urte bitartekoentzat zirku tailerra Asvinenean (Aduna). Izen ematea eta informazio gehiago kultur etxean abenduaren 20a arte.
Abenduak 26 eta 27
Gabonetako pilota topaketak Elorri pilotalekuan (sailkapenak).
Abenduak 29, larunbata
16:00. Gabonetako pilota topaketen finalak Elorri pilotalekuan.
Abenduak 31, astelehena
16:00. IX. San Silbestre Krosa, plazatik abiatuta.
19:00. Euskal preso eta iheslari eta senideen eskubideen alde lelopean manifestazioa, plazatik.
Urtarrilak 1, asteartea
11:15. Txintxarri Abesbatza kantuan meza nagusian.
12:15. Udal hautetsiek mandarinak eta intxaurrak banatuko dituzte plazan.
Urtarrilak 2 eta 3
Goizetan. Multikirola kanpusa. Iturri Zahar guraso elkarteak antolatuta.
Urtarrilak 5, larunbata
18:30. Errege kabalgata, Orendaingo bidetik abiatuta.