Urteroko zita garrantzitsuetako bat ospatu da, goizean, Alegiako plazan. Bertan Azoka Berezia ospatu da, eta ordu tarte indartsurik izan ez bada ere, jendea goiz guztian zehar jende asko inguratu dira bertara, salerosketarako prest. Herriko artisauek eta nekazariek ekoizturiko produktuak ikusi eta erosteko aukera izan da, jarritako 17 erakustokietan.
Barazkiak, esnekiak, eztia, mondejuak, odolkiak edota jantzi desberdinak erosteko aukera izan da, eta 13:30ean, azokako postuetako produktuekin osaturiko sorta baten zozketa egin dute. Jateko aukera ere izan da, talo postuan eta baita Aralar institutuko ikasleek ikasbidaiarako dirua ateratzeko jarriko duten postuan ere.