Balkoi eta Lorategi dotoreenaren lehiaketa egingo dute aurten ere, festen bueltan, Alegian. Balkoiak eta leihoak zaintzeko ohitura berreskuratu, eta herriaren itxurari eta ingurumenari egiten dion mesedea eragiteko asmoz antolatzen du lehiaketa hau festa batzordeak.
Ekainaren 18tik 24ra aztertuko ditu herriko leiho eta balkoiak adituz osatutako epaimahaiak. Kolorea, landareen aniztasuna, estetika, konbinazioa eta txukuntasuna neurtuko dituzte, besteak beste.
Alegiako jaietan emango dute irabazlearen izena, uztailaren 15ean, igandean, eta egun horretan izango da sari banaketa. Maila bakoitzeko irabazleek 150 euroko opari txartela jasoko dute herriko saltokietan kontsumitzeko, eta saria egunean bertan jaso beharko dute.