Udako ludotekarako begiraleak behar dira

Tolosaldeko Ataria 2018ko mai. 23a, 10:34

Urtero moduan, ludoteka zerbitzua eskainiko du Alegiako Udalak uztailean. Ohi bezala, bi txandatan banatuko da. Lehena uztailaren 2tik 13ra izango da eta bigarrena hilaren 17tik 27ra. Ludoteka horretan lanean aritzeko begiraleak kontratatuko ditu udalak eta interesatuek jada zabalik dute curriculumak bidaltzeko epea.

Maiatzaren 25a, ostirala, izango da azken eguna eta Inaxio Begiristain Kultur eta Kirol Etxean aurkeztu behar dira. Informazio gehiagorako kultur etxera deitu daiteke 943 65 46 98 zenbakira edo kultura@alegia.eus helbide elektronikora idatzi daiteke.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!