San Juan ikastetxeko Haur Hezkuntzako eta Lehen Hezkuntzako ikasleek ondorengo konpromisoak hartu dituzte: garraio publikoa eta bizikletaren erabilera gehitzen saiatu; natura zaindu: ura aurrezteko dutxatu, zaborrak ondo bereizi, argi indarra beharraren arabera erabili; herriko plazan, eliz atarian ikastetxeak aldatzen dituen loreak zaindu.
Eta ondorengoak dira beraien proposamenak: bizikletak aparkatzeko uneak gehitu; garraio publikoaren prezioa merkatzeko eta trena segurtasunez erabiltzeko, behar den taldearekin akordioak lortu; gaizki birziklatzen duten bakarkakoei eta familiei isuna jarri.
Bere aldetik, Aralar institutuko DBHko ikasleek ondorengo konpromisoak hartu dituzte: energia kontsumoa murrizten ahalegindu (argiak itzali, autoa gutxiago erabili...); hondakin gutxiago sortu (bilgarriak kontuan hartu eta erosketak egiterakoan etxetik poltsa eraman...) eta birziklatzen saiatu.
Bere proposamenak, bestalde, hauek dira: jendea energia kontsumoko ohiturak aldatzera bultzatu (plaka solarrak jarriz, garraio elektrikorako karga puntuak jarriz...); eta eskualdeko garraio publikoko sarea hobetzea.