Bertsolari lanetan Imanol Irazustabarrena, Hodei eta Maialen Oiartzabal, eta Alex Goikoetxea aritu dira. "Ikusten genuen poteoaren ekitaldian hutsune bat zegoela, eta aurten pentsatu genuen bertsotan aritzea. Giro polita izaten ari da, eta ekitaldi guztiak gaztetxean izan beharrean, herriari ere bizitza pixka bat ematea da asmoa", esan du Goikoetxeak.
Langaurren 30 pertsona inguru elkartu dira garbiketa lanak egiteko, eta bazkaltzeko 40 pertsona inguru izan dira. "Badago belaunaldi bat bultzatu duena jendeak parte hartzeko, eta bazkaltzera etorritakoen kopurua igo dugu eta hori ere poztekoa da", esan du Goikoetxeak.
Gaztetxearen dinamikan urtean zehar hainbeste aritzen ez diren gazteek parte hartzeko aukera bat izatea da Gazte Egunaren helburua. "Ikusten da jende gogoz dagoela gauzak egiteko eta ilusio handiarekin hartu dugun zerbait da", azaldu du Goikoetxeak.