Sei urteren ostean, Alegiako kultura batzordeak hirugarrenez antolatu nahi du Herria Kantuan emanaldia, eta horretarako musikan murgilduta dabiltzan herritarren parte hartzea eskatu dute.
Aurreneko ekitaldian zahagiardoa egin zen lehenik eta ondoren eskaini zen emanaldia. Aurtengorako ere asmo bera dute antolatzaileek. Musikarien parte hartzea ezinbestekoa da jai hori egin ahal izateko, hortaz, jaialdian parte hartzera animatzen diren musikariei kultur etxera joateko dei egin die kultura batzordeak.
Jarraian, aurreko edizioetako argazkiak. (Argazkien egilea: Patxi Renobales)