Gorka Zubeldia Letamendiak urteak daramatza mendi ibilaldietan parte hartzen, eta 2017an, besteren artean, Goierriko Bi Handiak proba amaitzeko gai izan zen. Hanka batean izandako istripu baten ondorioz, protesi batekin dabil azken urteetan, baina mendian bere helburuak lortzeko erronkari eusten dio.
Euskal Mendizale Federazioko Iraupen Luzeko Ibilaldien batzordeak eman dio saria. Zubeldia pertsona ezinduen kirol kluba den Kemen elkarteko kide ere bada. Klubak nahiz Alegiako Udalak zoriondu dute jasotako izendapenagatik.