Alegiako Gaztetxeak bere 30. urteurrenaren egitarauaren barruan, Zerbeza Ferie izango du etzi. 19:00etan artisau garagardoen dastaketari hasiera emango zaio, eta 20:30ean afaria zerbitzatzen hasiko dira. Zigor DZ-k musika jarriz girotuko du festa arratsaldetik hasita.
Zerbeza Ferieko izarretako bat gaztetxean bertan egindako garagardoa izango da. Hirugarren urtea da gaztetxean garagardoa egiten dela, eta artisau garagardoak eramaten direla 6-7 urte bete dira. Gaztetxean IRA (irish red ale) izeneko garagardoa egin dute, 60 litro guztira.
75 lagunek erosi dute ukondoa jateko txartela, hala ere aurten mahaiak egongo dira norbaitek etxetik janaria eraman nahi badu. 30. urteurreneko logoarekin jarriko dira pitxarrak eta garagardo guztiak 2,5 euroko salneurria dute. Lau garagardo hori izango dira (San Cernin, Liada Parda, The Walking Coeliacs eta La Gertrudis), bi gorri (IRA eta MaLuMor) eta beltz bat (Welcome to hell).
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
