Gugatik egin zuten.
Ez diegu zorrik.
Lanaren aitorpena.
Horixe bakarrik.
Poltsikoan haizea
besterik ez zebilen garai nahastuak
galdutako borrokak
baino okerragoak dira ahaztuak.
Bide urratuetan
urrezko urratsak
guztia lanbrotu du
denboraren hatsak
Orain plastiko beltzez
estaltzen dugu mingarrien zaiguna
arriskuari ezetz
gotortu ta eutsi, zaindu daukazuna....
Ahaztuak... esku laztuak ...
Oroimena ez al da
gauzak galdetzea?
Zeinek lapurtu zigun
aitaren etxea?
Nola eraiki zuten
su artean berriz amonak ta amak...
beldur handirik ez du
duintasuna besterik ez daukanak
Ahaztuak... esku laztuak ...