Alegiako Gaztetxearen 30. urteurreneko ekitaldiak martxan jarri ziren aurreko ostiralean, Katalunia protagonista izanik. Solasaldia egin zen Elizpe aretoan Jordi Pujol Lizana Sant Sadurni d’Anoiako CUPeko zinegotziarekin, eta bertara 125 pertsona inguru joan ziren.
Zahagiardoa eta gero kontzertua izan zen Gaztetxean KOP eta Katez taldeekin eta bertara 150 pertsona inguru joan ziren. Gustura azaldu dira Gaztetxetik ekitaldien balantzea egiterakoan.
30. urteurreneko hurrengo ekitaldia ostiralean izango da. Zurrunka Teatroren eskutik Ac Num. Un cipres en un desierto antzezlana ikusi ahalko da, 20:00etan hasita, gaztetxean. Sarrerak 3 euro balioko ditu.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?