Aurten, Alegiako Azoka Berezia data aldaketarekin etorri da. Oñatin ospatu zen Kilometroak festa egunaren ondorioz, Kultura Batzordeak antolatuta, goizean ospatu dute, herriko plazan. 28 postuetatik gehienak, herritarrek jarritakoak izan dira: fruta, ogia, gazta, mondejua, piper erreak, eskulanak, txorientzako kaiola txikiak, artilezko oinetakoak, taloak... denetik ikusi eta erosteko aukera izan da. DBH mailako ikasleek ere, ikasturte amaierako bidaiarako dirua lortzeko, jana eta edana jarri dute salgai.
Gerturatzen direnek, 14:00ak arte izango dute aukera, plazan, herriko produktuak erosteko. Hasiera batean, eguraldiagatik kezka apur bat baldin bazen ere, ez dira lekuz mugitu, nahiz eta beharbada, euria dela eta, bisitari kopurua, baldintzatua izan daiteke.
Hamaikagarren aldiz, Azoka Berezia ospatu dute Alegian, herritarrek jarritako 28 posturekin. Aurreko urteetan, iraileko azken igandean ospatzen bazen ere, aurten urriko lehen egunarekin batera antolatu dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!