Alegiako Festa Batzordeak antolatutako kartel eta logotipo lehiaketarako lanak jasotzeko epea amaituta, herritarren esku egongo da orain egitarauko azalean joango den irudia aukeratzea. Bozketa bidez aukeratuko da lan irabazlea eta botoak emateko epea maiatzaren 31ra arte egongo da zabalik. Jubilatuen tabernan eman ahal izango dute 16 urtetik gorako herritarrek botoa horretarako prestatu den fitxa betez. Bertan, gustukoen duten lanaren zenbakia eta norbere datuak jarri beharko dira. Pertsona bakoitzeko boto bat eman ahal izango da eta parte hartzaile guztien artean gazta bat eta ardo botila bat zozkatuko dira.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!