Martxoaren 28an, asteartea, San Juan kaleari buruzko bilera informatibo bat egingo da udaletxeko pleno aretoan, 19:00etan. Bilera horrek bi puntu nagusi izango ditu. Alde batetik, urtarrilean San Juan kalean eta Bideberrietan egin zen galdeketak utzitako ondorioak aurkeztuko dira, eta, bestetik, udalak San Juan kalean hartuko dituen lehen neurrien berri emango du. San Juan kalera ibilgailuen sarrera mugatuko duen txartel bidezko pibote sistemaren nondik norakoak azalduko dira. Udalak dei egiten die San Juan kaleko eta Bideberrietako bizilagunei bilera horretan parte hartu dezaten eta izan ditzaketen zalantzak argitzeko aukera ere izango dute.
Urtarrileko galdeketak utzitako ondorioak azaldu eta udalak hartuko dituen lehen neurrien berri emango da.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!