I. Argazki Rallya izango da igandean, Alegian

Ataria 2016ko irailaren 20a
Deskargatu Info Ahotsak :
Español English Français Català Galego

Alegiako Argazkizaleen Taldeak antolatu du I. Argazki Rallya. Nahi duten argazkilari nahiz argazkizale guztiek har dezakete parte lehiaketan. Egunean bertan egin behar da izen-ematea, Intxurre elkartean, 08:45etik 09:30era. 

Bi kategoriatan bereiziko dira parte-hartzaileak: helduak (16 urtetik gorakoak) eta gazteak (15 urte artekoak). Sariak kategoria bakoitzean emango dituzte: bilduma onenarentzat, argazki onenarentzat eta alegiar batek egindako argazki onenarentzat.

Izena ematerako garaian jaki­na­raziko dituzte Ra­llyko gaiak zein izango diren. Derrigorrezkoa izango da argazkiak Alegian egitea, eta 08:45etik 14:00etara egin­dakoak bakarrik onar­tu­ko dira. Parte-hartzaileek 13:00etatik 14:00etara arte izan­go dute aukera ar­gaz­kiak entrega­tze­ko, Intxurre Elkartean bertan.

Ondo­ren, irabazleak jakinaraziko ditu epaimahaiak, eta Rallyan aurkeztutako argazkiak ikusgai egongo dira udazkenean antolatuko den erakusketan.  

Dokumentu honetan irakur daitezke lehiaketaren oinarriak. 

Alegia

ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?


EGIN ATARIKIDE!