Alegiako Udalak antolatu duen Karmen jaietako kartel eta logo lehiaketa bere azken fasera iritsi da. Lehiaketa horretara aurkeztu direnen lanak ikusgai daude Erretirodunen tabernan.
Orain herritarrek euren botoen bidez erabakiko dituzte irabazleak. Kartel lehiaketarako sei lan aurkeztu dira eta logo lehiaketarako zazpi.
Hamasei urtetik gorakoek parte hartu ahalko dute bozketan. Horretarako prestaturiko fitxa bete behar dute, gustuko kartel eta logoaren zenbakia jarriz, norberaren datuekin batera. Pertsonako boto bakar bat eman ahal izango da. Boto emaile guztien artean gazta bat zozkatuko da.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!