Zerbeza Ferie-kin hasi zituen Alegiako Gaztetxeak pasa den ostiralean 28. urteurreneko ospakizun ekitaldiak. «Aspaldi egiten zen ferie eta berriro ere antolatu da eta arrakasta handia izan zuen, Gaztetxe guztia bete egin baitzen afarirako», dio Iñigo Ormazabal Gaztetxeko kideak.
Abendu osoan izango dira ekitaldiak, eta era askotarikoa izango direla nabarmendu du Ormazabalek: hitzaldiak, kontzertuak, haurrentzako ekitaldiak, hainbat txapelketa... Asteburuari begira ekitaldi berezia izango da bihar, Bertso Truk egitasmoa hartuko baitu Gaztetxeak. Eskualdeko Harituz taldeko Imanol Irazustabarrena, Iñaki Artola eta Iker Iriarte alegiarrak eta Gernikako bertso eskolako kideak ariko dira bertsotan, desafio moduan. Urteurreneko egun handia abenduaren 12an izango da, eta egun guztian zehar ekitaldiak izango dira, babarrun jatearekin, besteak beste.
Ormazabalek dioenez, «orain pare bat urte belaunaldi berri bat sartu zen Gaztetxean, eta horrek beste indar bat eman dio. Ikusten da urtetik urtera fundamentuak ere gora egin duela, eta antolatzen diren ekitaldietara jende gehiago etortzen da». Bigarren solairuari abiada eman zaiola dio, eta azken ukituak bakarrik falta zaizkiola. «Gaztetxeak bizi berri bat du eta martxan dago».
Egitaraua
Abenduak 3, osteguna
22:00. Poker txapelketa.
Abenduak 4, ostirala
22:30. Bertso Truk, Harituz eta Gernikako bertso eskolaren artean. Ondoren, Ingo al deu? taldearekin erromeria.
Abenduak 10, osteguna
22:00. Dardo txapelketa.
Abenduak 11, ostirala
22:00. Futbolin txapelketa.
Abenduak 12, larunbata
11:00. 7e pasa pilota txapelketako finala.
12:30. Bertso poteoa.
14:30. Babarrun jatea. Jarraian Pottoka taldearen kontzertua.
22:00. Kontzertua: Xaiko, Skasti eta Ziribulio.
Abenduak 16, asteazkena
19:00. Juantxo Agirreren hitzaldia: Amaiur eta Iturissa gune arkeologikoak.
Abenduak 17, osteguna
19:00. Hitzaldiak: Alex Sukia eta Joseba Iztuetaren Ametsetatik gailurretara eta Andoni Arregi eta Peru Ortizen Alpeetara bidaia.
22:00. Ping-pong txapelketa.
Abenduak 18, ostirala
22:00. DJ Session.
Abenduak 19, larunbata
22:00. Mus txapelketa.
Abenduak 23, asteazkena
19:00. Hitzaldia Siriaren inguruan, Karlos Zurutuzarekin: Zer gertatzen da Ekialde Hurbilean?
Abenduak 26, larunbata
16:00. Umeen eguna. Txokolate jatea eta jolasak.
Abenduak 28, astelehena
22:00. Play Backa.
Abenduak 30, asteazkena
16:00. Gaztetxeari buruzko tertulia, eta argazki eta batallita bilketa.
Fumut taldeak emandako kontzertuaren une bat. METALIYO