Indartsu dator Etxeberria (Orio, 1992) gazte gaztetatik. 140 kiloko harria altxatu zuen lehen emakumea izan zen, 2011. urtean. Gero, urtebetez izan zen harriak jasotzeari utzita. 2012an, 150 kiloraino igo zuen errekorra eta 2014an, bigarrenez Euskadiko txapelduna izatea lortu zuen. Aurtengoan, errekorra 157 kilotan utzi du, hogeita hiru urterekin.
Harri-jasotzaileen X. Txintxarri Saria ospatu zuten Alegian. Bertan izan zen Aimar Irigoien harrijasotzailea ere. Irigoienek marka ahalegina egin behar zuen, baina lesio bat tarteko, hitzordua atzeratzea eskatu zuen, eta erakustaldia eman zuen. Goenatxo II.ak 200 kiloko "Paskualtsoro" harriarekin 2004. urtean jarritako marka hobetzen ahaleginduko da errekuperatutakoan.
Ekitaldian Jon Irazu eta Eneko Saralegi aizkolariek ere erakustaldi ederra eskaini dute, eta irudi ikusgarriak utzi ere bai.
Txintxarrien hotsarekin amaitu ziren aurtengo jaiak.