Haurren eguna da gaur Alegiako karmenetan, eta eskolako patioa oasi txiki bat bilakatu da txintxarri txikienentzat.
Futbolina, txirrista, puzgarria, baloi erraldoia eta trebezia lantzeko jokoa. Denetik izan dute, gaur, Alegiako nahiz kanpoko neska-mutilek, eskolako patioan. Urtxintxak abestiak zioen moduan, gora eta trebe, besterik ez zuten nahi, oinutsik jauzi egin eta beroak ia axola ez duen une horietan.
Haur sahararrek ere gozatu ederra hartu dute goizean, alegiarrekin batera jolastuz, eta irudi polita utzi dituzte gaztetxoek.
Arratsaldean, 16:30etik aurrera, berriro zabalduko dute jolasen gunea.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!