Sagardoak bere du jendea erakarri eta elkarrizketak sortzeko gaitasuna. Hori gaurko eguraldiarekin batuz gero eta, areago, txistorra pintxo tentagarrien zaporearekin, sagardo dastaketa hitzordu perfektu bilakatzen da Alegiako karmenetako azken txanpan.
Haur, gazte, heldu eta zahar elkartu dira bertako sagardogileen lana dastatzeko, eta Unsain anaia trikitilarien saioa ere lagun izan dute txintxarriek, eguerdia girotuz. Bihar amaituko dira aurtengo Karmen jaiak, baina egitarau oparoa dute, oraindik, uztaileko jaiez gozatzeko.