Ez du Lasak mikrofonoa eskuetan hartu. Unai Iraola alkateak hitz egin du eta Alegiako Udalaren partetik eskertu dio Lasari 64 urte hauetan festetan egindako lan guztia. Aurretik, kartel eta logo lehiaketako sari banaketa egin dute balkoian bertan. Felix Irazustabarrenak jaso du festetako kartelarena, Maria Karrerak logoarena, eta Constanza Contreras ikasleak kontrazaleko lehiaketarena.
Jende ugari elkartu da herriko plazan festei hasiera emateko. Erraldoi eta buruhandien konpartsak, dultzaineroen musikarekin, girotu ditu txupinazoaren aurreko uneak. Festaren hasierarekin batera, elkarretaratzea egin da plazan preso eta iheslarien eskubideen alde.
Txupinazoa bota eta gero, Loatzo txarangak alaitu du giroa, eta Bibalabirjen jaietan sagardo dastaketa hasi da.
Hasi dira txintxarri soinuko festak
Lukas Lasak urduritasun puntu batekin eutsi dio festen hasierari. Berak izan du txupinazoa botatzeko ohorea, eta baita ere txintxarria jaisteko ardura. Baina benetan bere saltsan ikusi dugun unea haurrei gozokiak banatzerakoan izan da. Plazara jaitsi da eta beste bi lagunekin gozokiak banatu ditu.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!