Azaroan egin zen Aurrekontu Parte Hartzaileen prozesuan herritarrek egindako eskaeretako bat izan zen.
Pare bat asteko iraupena izatea aurreikusten da eta epe horretan bidegorriaren zati hori itxita egongo da. Ordezko bide modura, Alegialdetik doazenek Beloztegi auzora joateko bidea hartu beharko dute eta Bazurka industriagunean eskuinera hartuta izango dute berriz ere bidegorriarekin bat egiteko aukera trenbidearen azpitik pasata. Tolosa aldetik datozenek ordezko bide bera erabili beharko dute baina kontrako norantzan. Udalak ordezko bidea nondik den adierazten duten kartelak ipini ditu.