Hiru logotipo eta bost kartel aurkeztu ziren guztira lehiaketara, eta Jubilatuen tabernan ikusgai egon ostean, alegiarrek onenak aukeratu dituzte. 140 boto jaso dira guztira:
Kartela
Felix Irazustabarrenaren lanak irabazi du. Lehengo eta oraingo txistulariek festetan egiten duten kalejirako irudi bat da. 49 boto eskuratu ditu, eta honenbestez, festetako irudietako bat izatearekin batera, ehun euroko diru saria eta Eizmendi jatetxean bi lagunentzako afaria irabazi ditu.
Logotipoa
Logotiporik onenaren saria, berriz, Maria Karrerak irabazi du, 88 boto eskuratuta. Berak ere sari berdina jasoko du.
Kontrazala
Horrez gain, aurten ere eskolako ikasleen artean jaietako egitarauaren kontrazaleko marrazkia aukeratzeko lehiaketa ere abian jarri da. Constanza Contrerasen lana aukeratu dute horretarako.