Eguraldi iragarpena ona ez zela ikusita, pilotalekura mugitzekotan izan baziren ere, azkenean Baratze Parkeen ondoan egin zuten II. Azoka Ekologikoa. Eguraldi txarrak jende gutxi erakarriko zuenaren beldur baziren ere, azkenean "gustura" geratu ziren antolatzaileak: "Uste genuen euriarengatik jende gutxiago etorriko zela, baina azkenean animatu da jendea. Gainera, aurreikusitako tailerrak egin ziren eta postu guztiak izan ziren bertan" esan du Garikoitz Zubillagak.