Aurten ere San Silbestre krosa antolatzeko asmoa du Alegiako Udaleko Kultura batzordeak. Abenduaren 31n jokatzen den proba honek harrera ona izan du aurreko ekitaldietan parte hartzeari eta ikusle kopuruari dagokionean eta aurtengoari begira, lehen antolaketa bilera egingo da azaroaren 12an, asteazkena, 20:00etan kultur etxean.
Horrelako proba baten antolakuntzak jende dezenteren parte hartzea eskatzen du eta Kultura batzordetik deia egiten zaio antolaketa lan horretan laguntzeko prest dagoen edonori. "Gero eta jende gehiagok lagundu, orduan eta lan gutxiago egin beharko du bakoitzak", azaldu dute batzordetik.