Atzo hasi ziren Kalebeherako festak, eta gaur goizeko krosarekin eman diete jarraipena. Arratsaldean umeak izan dira protagonista txikienei egokitutako herri kirol saiotxoan, eta ondoren zinta dantzan. Bitartean pala txapelketa jokatzen ere aritu dira, eguzki azpian, izerditan blai.
Gauean, berriz, zahagiardoaren ondoren eskualdeko bertsolari gazteen txanda izango da, saio polita eskainiko baitute Kalebeheran.
Hala ere, festa ez da gaur amaitzen, bihar ere izango da zer ikusi eta zer entzun.
Irailak 14, igandea
- 12:00. Sutarri dantza taldea.
- 12:30. Sardin erreak eta txakolin probaketa.
- 15:00. Herri bazkaria.
- Ondoren. Pilota eta pala txapelketako finalak.
- Jarraian. Herri kirolak Alegiako kale desberdinetako herritarren artean.
- Iluntzean. Zahagiardoa.
- Gauean. Mus txapelketa.