Elkar ezagutzetik, elkar aitortzera, herriz herri zubiak eraikitzen erakusketa jarri du Alegian Bai Euskal Herriari! herri mugimenduak. Astebete egongo da kultur etxean, eta bertan, nazio baten historioa kontatzen da arlo desberdinak kontuan hartuta. Naziotasuna lantzen du Bai Euskal Herriari! mugimenduak, baina alor desberdinak kontuan hartuta. Modu ikusgarri eta erraz batean ikuspegi berrietaz jabetzeko aukera polita dago, beraz, Alegian. Bertan, Euskal Herriaren inguruko galdera askoren erantzunak, eta galdera berriak daude zain.
Nazio baten historia, hizkuntza, kultura, ikurrak, ohiturak, gatazka... kontatzen duen erakusketa jarri dute Alegiako kultur etxean. Gaur arratsaldean zabaldu dute, eta ekainaren 27ra bitarte egongo da zabalik, 16:00etatik 21:00etara. Erakusketa 18 panel informatibok osatzen dute, eta osagarri gisara, Juanba Berasategiren 'Gu, jatorri anitz, herri bat' dokumentala dago ikusgai kultur etxeko aretoan bertan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!