Zeropetik hurbilago zegoen tenperaturak ez zituen izutu larunbat ilunabarrean ezkaraitarrak; ez zieten muzin egin Ezkaraiko Elkarte Kultural Artistikoak (ACAE) eginiko deiari. Santa Maria La Mayor eliza erdi erromaniko erdi gotiko ederrean jarri zuten hitzordua. Kanpoan botatzen ari zuen zaparradatik babes hartuta, ia ordubetez aritu ziren kantuan alegiarrak Garbiñe Orbegozok zuzenduta eta Mariaje Rekondo pianoan lagun zutela.
Hamabost bat doinu eskaini zituzten guztira, garai eta estilo desberdineko obrak guztiak. Elizaren erdialdetik abiatuta kantuan iritsi ziren aldarera eta han amaitu zuten koreografiaz lagunduta. Arretaz entzun zituzten ezkaraitarrek Txintxarrik abestutako doinuak. Abesti batzuetan Xefe Balerdi aritu zen bakarlari gisa. Antonio Machadoren poema errezitatzen, berriz, Ibon Azpilikuetako koruko abeslaria aritu zen.
Kontzertuaren amaieran oroigarriak eman zizkioten elkarri txintxarri abesbatzak eta Ezkaraiko ACAE elkarteak.
Ezkaraiko aterpetxean eman zuten gaua alegiarrek. Abesteaz gainera, Santo Domingo de la Calzadako eta San Millan de la Cogollako monasterioak bisitatzeko aukera izan zuten Txintxarri abesbatzakoek.