Garbiñe Orbegozok zuzentzen duen Txintxarri abesbatza joan den astean hasi zen entseguekin. Orain arte astean bi egiten bazituzten, hemendik aurrera uztailera bitarte bakarrarekin hasiko dira, eta hori, ostegunetan izango da, 21:00etan, kultur etxeko areto nagusian. Udazkenean, urtero moduan, Txintxarri Eguna ospatuko dute, eta prest egon nahi dute bertarako. Helduen abesbatzarekin batera, Txintxarri Txiki ere ahotsak berotzen hasi zen iragan ostiralean, entseguekin. Gazteenak ostiraletan elkartuko dira David Azurza tolosarrarekin, 19:00etatik 20:00etara kultur etxean. Loatzo Musika Eskolako zenbait ikaslek ere Txintxarri Txikin abesten dute, izan ere, Korua ikasgaia Txintxarrin egiteko aukera dute musika eskolako ikasleek.