II. Erromeri Eguna ospatu dute gaur Albizturren. Soinu txikiak herrian duen tradizioari men egin eta hainbat jarduera antolatu dituzte eguerditik.
Kalejira egin dute aurrena eta, ondoren, bazkaria Euskal Parrillaren eskutik.
Eguneko hitzordu nagusia, arratsaldeko erromeria izan da. Oholtza gainean hainbat trikitilari izan dira; besteak beste, Arandia anaien, Alaitz Aramendi eta Garazi Zubizarretaren, Malbadi anaien, Maialen Larrañaga eta Irati Etxeberriaren; eta Ane Urbieta, Amets Etxaide eta Garazi Zubizarretaren doinuak entzun ahal izan dira, eta baita herriko ikasleena ere. Denen artean eta giroa lagun, arratsalde polita osatu dute Albizturko plazan.
