Urtarrilaren 21ean ezohiko bilkura izan zuen Albizturko udalbatzak eta alkate berria aukeratu zuten. Orain arte Iñaki Orbegozo izan da alkatea (Albiztur Bizituz) eta talde bereko Alazne Urkizu Galarragak hartu dio erreleboa.
Antza, Orbegozoren egoera pertsonala aldatu da eta, horren eraginez, ezin du jarraitu herriko alkate izaten. Urkizuk azaldu du aurrera begira orain arteko lan lerroei eutsiko dietela, besteak beste, herria biziagotzeko egitasmoak antolatzea eta gazteak herrian geratu ahal izateko baldintzak garatzea.