Albizturren larunbatean, hilaren 19an, egingo dute 'Udazkeneko kultur ekitaldia'. Egitaraua elkarlanean antolatu dute Albizturko Festa Batzordeak, udalak eta Arkaitz elkarteak, eta egun osoan egingo dituzte jarduerak.
Lehen hitzordua 11:00etan izango da eta jolasak izango dituzte Plazatxoko-ren eskutik. Arratsaldean, berriz, 18:00etan hasiko da bakarrizketen saioa eta oholtzaren gainean izango dira Ander Malbadi eta Amaia Ruiz de Galarreta. 20:00etan talo jatea egingo dute eta, eguna bukatzeko, erromeria izango dute Oilar Beltzak taldearen eskutik.