Tokak girotu du goiza Albizturren. Eguerdirako ekin diote txapelketari, baina aurretik beroketak egiteko aukera izan dute parte hartzaileek. Gaztetxoen eta helduen artean, 50 herritar inguru gerturatu dira plazara tokan lehiatzera.
Parte hartzaile bakoitzak bi txanda izan ditu eta txanda bakoitzean sei tiraldi izan dituzte. Ez dira asko izan txapan behin baino gehiagotan asmatu dutenak. Kanpotik dirudiena baino zailagoa dela frogatu ahal izan dute, beraz.
Goizean ikusmina tokak sortu badu, arratsaldea, desafioa izango da herritarren arreta bereganatuko duena. Izan ere, Berastegi, Bidania eta Albizturko herriak lehiatuko dira, 17:30etik aurrera. Ondoren, musika Distopia elektrotxarangak jarriko du, eta 21:00etan herri afarian elkartuko dira. Afalostean erromeria izango dute, Ansorregi eta Larrañagarekin.
Bihar izango dute jaietako azken eguna. Hemen biharko egitaraua:
