Ama Birjin Egunarekin ekin diete herriko jaiei Albizturren. Bertsoarekin lagunduta bota duten txupinazoak ireki du egitaraua, eta igandera bitarte hamaika ekitaldiz gozatzeko aukera izango dute herritarrek.
Hain justu, suziriaren ostean, gaztetxoen pilota partidak jokatu dituzte frontoian, eta herritar asko gerturatu dira horiek ikustera. Arratsaldean, Albizturko eta Asteasuko herritarrak nor baino nor ariko dira herri kiroletan, eta festa giroak sagardo dastaketarekin jarraituko du ondoren. Gauean, berriz, DJ Hidalgok jarriko du musika herriko ostatuan.
Ikusi hemen igandera bitarteko egitaraua.
