Albizturko eskolak urtean zehar ingurumena zaintzeko helburuarekin lanketa egin du. Ekimenari amaiera emateko, berrerabilpenak duen garrantzia azpimarratu nahi izan dute. Horretarako, bigarren eskuko arropen azoka antolatu zuten. Jakitera eman dutenez, bertan bildutako dirua Sortzetiko Kardiopatien Elkarteari bideratuko zaio.
Albizturko eskola komunitateak babesa erakutsi nahi izan dio Bihotzez Elkarteari eta bertako gurasoei. Bihotzez-ek sortzetiko kardiopatia duten pertsonen eta beraien familia kideen bizi kalitatea hobetzeko lan egiten du, diagnostiko unetik eta bizitzako etapa desberdinetan, eguneroko bizitzan babes eta sostengua emanaz. Esker oneko hitzak izan dituzte Albizturko guraso eta herritarrentzat, emandako laguntzagatik.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!