Maiatzaren 27rako I. Erromeria Eguna antolatzen ari dira Albizturren. Egun osoko festa izango dute, eta eguerdian, bazkaria egingo dute Txomin Parrilaren eskutik. Helduen mendua 35 eurokoa izango da, eta haurren menua 15 eurokoa.
Bazkarirako tiketak maiatzaren 20a baino lehen eskuragai izango dira herriko ostatuan eta udaletxean. Herritarrak ez direnentzat Whatsapp bidez eskuragarri izango dira 688 632 080 zenbakian.
Bazkari aurretik, 11:30ean, kalejira egingo dute herrian zehar, eta bazkalostean, 17:00etatik aurrera, aspaldian oholtzara igo ez diren trikitilariak ikusi ahalko dira oholtza gainean. Erromeria irekia izango dela esan dute, beraz, bazkaltzera joan gabe ere festara gerturatzeko deia egin dute.