Euskal festa ospatuko dute Albizturren, bihar

Tolosaldeko Ataria 2023ko api. 21a, 15:58
Iazko Albizturko festetako irudia. Jon Miranda

Bizkor guraso elkarteak antolatu du egitaraua. 17:00etan hasita, merienda, ume jolasak eta eskulanak izango dira; 19:30ean, berriz, sagardo dastaketa egingo dute frontoian.

Sagardoentzako eta pintxoentzako txartelak frontoian erosi ahal izango dira, 19:30eatik aurrera. 10 euroren truke, hiru pintxo eta nahi adina sagardo edateko aukera egongo da. Pintxo gehiago nahi izanez gero, 1,5 euro balioko du bakoitzak.

Gipuzkoako bost sagardotegietako sagardoak dastatzeko aukera egongo da bihar, Albizturren: Isastegi (Tolosa), Gaztañaga (Andoain), Bereziartua (Astigarraga), Altzueta (Hernani) eta Barkaiztegi (Donostia).

Pintxoei dagokionez, era guztietakoak jarriko dituzte: patata tortilla, bakailao tortilla, solomoa, txorizo egosia, urdaiazpikoa, gazta eta txokolatezko palmerak.

Festari amaiera emateko, musika egongo da frontoian.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!