Giro ederrean ari dira ospatzen Udaberri Festako azken eguna Albizturren. Herritarrek ardo zuri dastaketaz gozatzeko aukera izan dute lehenengoz herrian. Hala, herriko plazan elkartu dira denak, ardo zuri desberdinak dastatuz. Horrekin batera, Oihan Txiki Kooperatibak eta Ogi Ona okindegiak postu bana jarri dute, beraien produktuak dastatu eta erosteko aukera eskainiz, eta aldi berean, tripa betetzeko pintxoak ere izan dituzte herritarrek eskura.
Arratsaldean, 17:30etan izango den Maialen Aristegi kantautorearen kontzertuarekin emango diote aurtengo Udaberri Festari amaiera.