Albizturko jaiak 2022

Lagunarteko lehiak

Kirola, tortilla eta sagardoarekin amaitu dituzte herriko jaiak Albizturren.

Albizturren ere festetako azken eguna ari dira ospatzen, eta hiru egun pasa badira ere, oraindik, festarako eta lehiarako indarrarekin jarraitzen dutela erakutsi dute. Arratsaldean Albiztur eta Bidaniako gazteen arteko herri kirol lehia izan da, hauei laguntzen Irigoien eta Telleria aritu dira harri jasotzen, eta Mugertza anaiak aizkoran. 

Ondoren, herritarren arteko tortilla lehiaketa egin dute eta bertan Ander Dorronsoro izan da garailea. Eta arratsaldea amaitzeko, Aburuza, Gaztañaga, Altzueta, Isastegi, Bereziartua eta Lizeaga sagardotegietako sagardoak dastatzeko aukera izan dute herritarrek.

Jaiei amaiera emateko, 23:00etan, DJ Naza izango dute.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!