Amabirjin festei hasiera eman diete Albizturren. Hiru eguneko egitaraua prestatu dute festa batzordetik eta hasierako unea gaur 11:00etan bizi izan dute. Jaiak abiatzeko txupinazoa bota dute udaletxeko balkoitik. Ondoren goxokiak bota dituzte bertara gerturatutako umeentzat. Izan ere, mozorrotuta gerturatu dira plazara Albizturko herritarrak festen lehenengo egunean.
Gaurkorako honako egitaraua dute prestatuta:
- 13:00-14:00. Puzgarriak.
- 14:00. Gazte eta ume bazkaria.
- 15:00. Txan magoa.
- 16:00-19:00. Puzgarriak eta jarraian apar festa.
- 17:00. Lopene ganadutegiarekin poneiak, txekorrak...
- 21:00. Herri afaria.
- Jarraian. Erromeria Ansorregi eta Larrañagaren eskutik.
Albizturko festak, etzi amaituko dira eta egitarau zabala prestatu dute egunotarako.
