Labakak eta Irustak jantzi dute txapela

Diego Iturriaga eta Aitor Etxebarriak osatutako bikotearen aurka eskuratu zuten binakako LENC txapelketako garaipena (22-18). Gainera, albizturtarrak bigarrengoz txapelketako jokalari onenaren saria ere jaso zuen.

Larunbatean binakako LENC txapelketa finala jokatu zuten Eneko Labakak eta Aitor Irustak osatutako bikoteak, Aitor Etxebarria eta Diego Iturriaga bikotearen aurka. Urduritasuna zela eta, hasiera txarra izan zen Etxebarria eta Iturriagarentzat. Izan ere, markagailuan aurre hartzea lortu zuten Labakak eta Irustak (9-1). Tentsio uneak ere bizi zituzten partidan zehar, baina azkenean, albizturtarra eta munitibarrarentzat izan zen garaipena.

Horrez gain, Labakak bigarren urtez jarraian txapelketako jokalari onenaren saria eskuratu du, Aitor Irustarekin batera beteranotasunetik eta joko onetik abiatuta.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!